მსოფლიოში პანდემიის პერიოდში ტანსაცმელი გაიაფდა, რაც ძირითადად დისტანციური მუშაობის რეჟიმზე გადასვლით არის განპირობებული.
ანალიტიკოსების თქმით, მამაკაცის ტანისამოსი პანდემიამდელ პერიოდთან შედარებით 7.25%-ით არის გაიაფებული, ხოლო ქალის ტანსაცმლის ფასმა 5.9%-ით იკლო.
პანდემიის გამო შემცირდა სატრანსპორტო გადაადგილებაც, რის გამოც, ტრანსპორტირების ღირებულებამ მსოფლიოში 2.9%-ით იკლო.
სპორტულ ღონისძიებებზე დასწრება წელს 1.8%-ით იაფია, ვიდრე პანდემიამდელ პერიოდში იყო.
კიდევ ერთი რამ, რაც პანდემიის პერიოდში გაიაფდა შინაური ცხოველების შეძენაა (-1.8%). ხოლო მათი მოვლა პატრონობისათვის საჭირო სერვისების ღირებულებამ 3.8%-ით იკლო.
პანდემიის პერიოდში გაიზარდა მოთხოვნა სამედიცინო მომსახურებაზე. ანალიტიკოსების თქმით, აშშ-ში სამედიცინო მედიკამენტების, მოსახურებისა და სხვა სერვისების ღირებულება 2.3%-ით არის შემცირებული. ხოლო, პრეპარატების ღირებულება, რომელიც რეცეპტით გაიცემა 2.9%-ით არის გაიაფებული. სამედიცინო აღჭურვილობის ფასებმა კი 5.8%-ით იკლო.
