2020 წლის მეორე კვარტალში არასანავთობო სექტორში ეკონომიკური აქტივობა შენელდა, COVID-19 პანდემიის ფონზე დაწესებული შეზღუდვების გამო. ნავთობის ფასების ვარდნის გამო გაუარესდა საგარეო სექტორი.
ამის შესახებ აღნიშნულია საქართველოს ეროვნული ბანკის (სებ-ი) აგვისტოს მონეტარული პოლიტიკის ანგარიშში.
საერთაშორისო სავალუტო ფონდის (სსფ-ს) შეფასებით15, 2020 წელს აზერბაიჯანში ეკონომიკური ზრდა -2.2% იქნება, ხოლო წლიური ინფლაცია კი 3.3%. 2021 წელს ეკონომიკური ზრდა და ინფლაცია, შესაბამისად 0.7% და 3.2%-ის ნიშნულებზეა მოსალოდნელი.
ბოლო მონაცემებით, აზერბაიჯანში კორონავირუსით ინფიცირებულთა საერთო რაოდენობა 33 731-მდე გაიზარდა. COVID-19-ის შედეგად სულ გარდაიცვალა 495 ადამიანი. გამოჯანმრთელდა 30 856 პაციენტი, ხოლო 2 380 პირი ამ დრომდე მკურნალობს. ქვეყანაში COVID-19-ზე ჯამში 796 459 ტესტი ჩატარდა.
ბელა გელაშვილი
ავტორი