ევროპის ცენტრალური ბანკის (ECB) ინფორმაციით, კლიმატის ცვლილების შემსუბუქების პოლიტიკის მარცხმა შესაძლოა, საუკუნის ბოლოსთვის ევროპის ეკონომიკა მნიშვნელოვნად შეამციროს. ამის შესახებ გამოცემა Bloomberg წერს.
თუ რეგულაციები არ ამოქმედდება და ბუნებრივი კატასტროფები გახშირდება და დამძიმდება, რეგიონის მთლიანი შიდა პროდუქტი 2100 წლისთვის 10%-ით შემცირების საფრთხის წინაშე დადგება.
ევროპის ცენტრალური ბანკი მოუწოდებს კომპანიებსა და ბანკებს გააცნობიერონ და მართონ გარემოსდაცვითი საფრთხეები და შესაძლებლობა, რომ დამაბინძურებელმა ფირმებმა შესაძლოა ბაზარი საერთოდ დატოვონ.
