სატრანსპორტო დერეფნის კცვლევის ცენტრში ფიქრობენ, რომ ანაკლიის პროექტის სახელმწიფოს მხრიდან "ტორპედირებას" გააჩნია, ერთი და ყველაზე მნიშვნელოვანი გვერდითი უარყოფითი ეფექტი: საქართველოზე გამავალმა სატრანსპორტო დერეფანმა დაკარგა სატრანზიტო ფუნქცია, ასევე მომიჯნავე სატრანსპორტო დარგებმა, რეგიონში დათმეს მათი ძირითადი ფუნქცია, გამხდარიყვნენ სატრანზიტო დერეფნისათვის ძირითადი, საყრდენი სატრანსპორტო რგოლები. ეს ფუნქია მეზობელი ქვეყნების და კონკურენტი დერეფნების ნავსადგურებმა გადაინაწილეს.
"2016 - 2020 წწ საქართველოს რკინიგზაზე გადაზიდული ტვირთების მოცულობა 10 - 12 მლნ ტონის ფარგლებშია, პრაქტიკულად არ იზრდება და დამყარებული "პლატოს" მდგომარეობაშია, ამ პერიოდში არანაირი მსხვილი ინფრასტრუქტურული პროექტი არ განხორციელებულა რკინიგზაზე. რაც შეეხება, რკინიგზით ტრანზიტად გადაზიდულ ტვირთებს, 2.5 - 3.5 მლნ ტონის ფარგლებში მერყეობს, აქაც არანაირი ზრდის პერსპექტივა არ ჩანს. ანალოგიური მდგომარეობაა საქართველოს ნავსადგურებში - ფოთის ნავსადგურის ტვირთბრუნვა ბოლო 6 წელიწადში 6 - 8 მლნ ტონის ფარგლებშია, ახალი სიმძლავრეები არ დამატებულა და ნავსადგური ყველაზე ძვირადღირებულია შავი ზღვის აუზში. ფოთის ნავსადგურში ჯამურად გადამუშავებული ტვირთი, სადღეისოდ საშუალო ევროპული ნავსადგურის ერთ ნავმისადგომის ტვირთბრუნვის ტოლფასია. ბათუმის ნავსადგურის მშრალი ტვირთების ტვირთბრუნვა ბოლო წლებში 0.6 - 1 მლნ ტონაა, ანალოგიურად სრული სტაგნაციია ახალი ტვირთების მოზიდვის თვალსაზრისით. ყულევის ნავსადგური - რომლის ტვირთების გატარების შესაძლებლობა წელიწადში 10 მლნ ტონაა, ბოლო 6 წელიწადში 1,6 - 1,7 მლნ ტონა ტვირთა ამუშავებს. იმ ვითარებაში, როდესაც მეზობელი სატრანსპორტო დერეფნებით ინტენსიურად მიმდინარეობს ტვირთნაკადების ახლებურად გადანაწილების შეუქცევადი პროცესი, ცენტრალურ აზიაში საფეხურებრივად იზრდენა საწარმოო სიმძლავრეები და გადამუშავებული ტვირთების ნომენკლატურა, ჩვენ იმის ნაცვლად, რომ, რეგიონის მსხვილ მოთამაშეებს, შევთავაზოთ ახალი ტექნოლოგიებით და სიმძლავრეებით აღჭურვილი ინფრასტრუქტურა, დავკარგეთ, დროის შეგრძნების ფაქტორი, მარტივად რომ ვთქვათ გავაჩერეთ საკუთარი სატრანსპორტო სისტემის განვითარება და ერთ დროს ქვეყნისთვის პრიოროტეტულად აღიარებული სატრანსპორტო დერეფანი სადღეისოდ წარმოადგენს შეზღუდული გამტარუნარიანობის სატრანსპორტო არტერიას," - ამბობს report.ge-სთან სატრანსპორტო დერეფნის კცვლევის ცენტრის პრეზიდენტი პაატა ცაგარეიშვილი.
ბელა გელაშვილი
ავტორი