საქართველოს ეროვნული ბანკის პრეზიდენტის კობა გვენეტაძის განმარტებით, საპროცენტო განაკვეთების ზრდა განაპირობა ლიკვიდურობის საკითხმა და გაზრდილმა რისკებმა, თუმცა უკვე შეინიშნება საპროცენტო განაკვეთების შემცირება.
"დარწმუნებული ვარ, საპროცენტო განაკვეთები კიდევ უფრო შემცირდება,"-თქვა გვენეტაძემ და იქვა დასძინა, რომ საპროცენტო განაკვეთებთან დაკავშირებით ზუსტი პროგნოზის გაკეთება შეუძლებელია.
"დღეს უკვე შეინიშნება კლება საპროცენტო განაკვეთების ლარის რესურსებზე, რაც გარკვეულწილად იმის შედეგია , რომ ჩვენ მყისიერად ავამოქმედეთ ლიკვიდურობის მიწოდების ინსტრუმენტები. ამ სიტუაციაში ბუნებრივია, რომ საკრედიტო რისკები გაზრდილია, საკრედიტო რისკის შემცირებას მეტი დრო დასჭირდება და დარწმუნებული ვარ, საპროცენტო განაკვეთები კიდევ უფრო შემცირდება,“-აღნიშნა გვენეტაძემ.
ბელა გელაშვილი
ავტორი