Renault-მ ავტომობილი სასტუმროს ნომრად აქცია და კონცეპტუალური Suite 4 წარადგინა, რომელიც კლასიკური Renault 4-ის მოდელზეა შექმნილი.
ავტომობილის პროტოტიპზე დიზაინერი მატიუ ლეანი მუშაობდა. მანქანის კორპუსის პანელები შეიცვალა გამჭვირვალე პოლიკარბონატის ჩანართებით, ხოლო სახურავზე დამონტაჟდა გამჭვირვალე მზის პანელები.
ამასთან, ავტომობილი ელექტროძრავაზე მუშაობს. სალონი შესრულებულია ხავერდით და აღჭურვილია გასაშლელი სკამით.
