ხელოვნური ინტელექტის დანერგვა ქვეყნის სტრატეგიულ სექტორებში, ეროვნული გეგმის არსებობის საჭიროება და საერთაშორისო გამოცდილების გათვალიწინება, – ეს მცირე ნაწილია იმ საკთხებისა, რომელიც BTU AI-ს ინიციატივის ფარგლებში გამოქვეყნებულ კვლევის ანგარიშში არის განხილული.
ანგარიშის თანახმად, ხელოვნური ინტელექტის დანერგვა სხვადასხვა სექტორში, არა მხოლოდ გაზრდის მათ ეფექტიანობას, არამედ უზრუნველყოფს მეოთხე ინდუსტრიული რევოლუციის ფონზე, ტრანსფორმაციის პროცესში მყოფი ინდუსტრიების განვითარებას, კადრების გადამზადებას დასაქმების ახალი ბაზრებისთვის, ინკლუზიურ განათლებას და ეკონომიკას, ჯანდაცვის, სოფლის მეურნეობის და სხვა სტრატეგიული მნიშვნელობის სექტორების ციფრულ ტრანსფორმაციას.
ანგარიშში აღნიშნულია, რომ ეროვნული სტრატეგიის დაგეგმვა და განხორციელება შესაბამისი ფონდების გააქტიურებას, ინვესტირებას და პროცესების მართვას საჭიროებს.
BTU-AI-ს დამფუძნებელი და BTU-ს სამეთვალყურეო საბჭოს თავმჯდომარე, მიხეილ ბატიაშვილი აცხადებს, რომ უნივერსიტეტი მზადაა ითნამშრომლოს ყველა დაინტერესებულ მხარესთან, სახელმწიფო და კერძო სტრუქტურებთან, იმისთვის რომ სტრატეგიის და სამოქმედო გეგმის შემუშავება და განხორციელება დაიწყოს.
,,BTU-AI სხვადასხვა სექტორში ფუნდამენტური, მაღალტექნოლოგიური ცვლილების ინიცირებისთვის შეიქმნა. ეს არის რეგიონის მასშტაბით პირველი საგანმანათლებლო სივრცე, რომელიც ხელოვნური ინტელექტის სხვადასხვა ინდუსტრიაში ინტეგრირებას უწყობს ხელს. აღნიშნულ ინიციატივას ემსახურება BTU-ს სივრცეში არსებული მაღალტექნოლოგიური ლაბორატორიები, კვლევითი ცენტრი და სხვა რესურსები. მოხარული ვართ, რომ ჩვენი საერთაშორისო პარტნიორების მხარდაჭერით, მასშტაბური კვლევა განხორციელდა და ხელოვნური ინტელექტის ეროვნული სტრატეგიის შემუშავებისთვის საჭირო ეტაპები სწორედ BTU-ში შემუშავდა,’’ - აცხადებს მიხეილ ბატიაშვილი.
კვლევა გაეროს ხელოვნური ინტელექტის და რობოტიქსის ცენტრის მხარდაჭერითა და ხელოვნური ინტელექტის ბიზნესასოციაციასთან AI Georgia თანამშრომლობით განხორციელდა.
ბელა გელაშვილი
ავტორი