Google-მა საქართველოსთვის გამოაქვეყნა სპეციალური ანგარიში, რომელშიც აღწერილია, თუ როგორ შეიცვალა ადამიანთა ქცევა ქვეყანაში საგანგებო მდგომარეობისა და კომენდანტის საათის ფონზე.
ანგარიში აჩვენებს, რომ ისეთ თავშეყრის ადგილებში, როგორიცაა სავაჭრო ცენტრები, მომხმარებელთა რაოდენობა 68%-ით არის შემცირებული, სამსახურებსა და ოფისებში კი ადამიანთა რაოდენობამ 43%-ით იკლო.
გართობა/დასვენება და ვაჭრობა - კლება 68% (ამ ჯგუფში შედის რესტორნები, კაფეები, სავაჭრო ცენტრები, მუზეუმები, ბიბლიოთეკები და კინოთეატრები)
სურსათის მაღაზიები და აფთიაქები - კლება 36% (ამ ჯგუფში შედის ბაზრობები, სურსათის მაღაზიები, სუპერმარკეტები და აფთიაქები)
პარკები - კლება 23% (ამ ჯგუფში შედის მუნიციპალური პარკები, ეროვნული ნაკრძალები და სხვა სივრცეები)
სატრანზიტო ჰაბები - კლება 56% (ამ ჯგუფში შედის ტაქსები, მეტრო, ავტობუსები, მატარებლის სადგურები)
სამსახურები/ოფისები - სამსახურებში 43%-ით არის ადამიანთა ნაკადი შემცირებული
საცხოვრებელი სახლები - ზრდა 14%
ცნობისთვის, ანგარიშის ბოლო დაკვირვების თარიღი 5 აპრილი იყო.
ბელა გელაშვილი
ავტორი