"მინდა ხაზგასმით აღვნიშნო, კრიზისის პირობებში იზრდება ინფრასტრუქტურული პროექტების დაფინანსება და შესაბამისად რეგიონული განვითარებისა და ინფრასტრუქტურის სამინსიტროს ბიუჯეტი და ეს გახლავთ 4 მილიარდ ლარზე მეტი," - ამის შესახებ მთავრობის სხდომაზე პრემიერ-მინისტრმა, გიორგი გახარიამ განაცხადა.
მთავრობის მეთაურის თქმით, იზრდება განათლების სამინისტროს, სოფლის მეურნეობის, ეკონომიკის სამინისტროების, ყველა იმ სამინისტროს დაფინანსება, რომელიც აუცილებელია ქვეყნის სწრაფი პოსტკრიზისული ეკონომიკური აღდგენისთვის.
გიორგი გახარიამ მთავრობის სხდომაზე დღეს მომავალი წლის ბიუჯეტის მტავარი პრამეტრები მიმოიხილა. მისი შეფასებით, 2021 წლის ბიუჯეტის მთავარი ამოცანა პანდემიასთან ბრძოლაა. მისივე თქმით, მოქალაქეებისა და ბიზნესის სოციალური მიზნობრივი მხარდაჭერის და ბიზნესის მხარდაჭერის მე-4 ტალღის მოცულობა 1 მლრდ 420 მილიონია, აქედან 2020 წლისთვის განსაზღვრულია 280 მლნ, ხოლო დანარჩენი 1 მლრდ 140 მლნ გათვალისწინებულია 2021 წლისთვის. მისივე თქით, ჯანდაცვის მომავალი წლის ბიუჯეტში დამატებით განისაზღვრება 450 მლნ ლარით, რომლის ძირითადი ხარჯები გახლავთ კოვიდის მკურნალობა, ტესტები, ვაქცინაცია და ვაქცინაციისთვის მომზადება, ასევე ვაქცინების შესყიდვა და, რა თქმა უნდა, ვირუსის გავრცელების პრევენცია. მოქალაქეთა მიზნობრივი მხარდაჭერისთვის მომავალი წლის ბიუჯეტში განსაზღვრულია 540 მლნ ლარი, ხოლო ბიზნესის მხარდაჭერისთვის 430 მლნ ლარი.
პრემიერი ყურადღებას ამახვილებს პენსიის ზრდისთვის საჭირო თანხების მობილიზებაზეც და დევნილებისთვის საცხოვრებელი ფართების მშენებლობისთვის გამოყოფილ 103 მლნ ლარზეც.
ბელა გელაშვილი
ავტორი