თავში

რომელი ქვეყნები არიან საქართველოს უმსხვილესი სავაჭრო პარტნიორები?

რომელი ქვეყნები არიან საქართველოს უმსხვილესი სავაჭრო პარტნიორები?
რომელი ქვეყნები არიან საქართველოს უმსხვილესი სავაჭრო პარტნიორები?

სტატისტიკის ეროვნული სამსახურის წინასწარი მონაცემებით, 2021 წლის იანვარ-სექტემბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 10 009.7 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 22.3 პროცენტით მეტია.

საქსტატის ცნობით, აქედან ექსპორტი 2 981.3 მლნ. აშშ დოლარს შეადგენს, ანუ 24.0 პროცენტით გაიზარდა, ხოლო იმპორტი 7 028.4 მლნ. აშშ დოლარს, რაც 21.6 პროცენტით მეტია.

საქართველოს უარყოფითმა სავაჭრო ბალანსმა, 2021 წლის იანვარ- სექტემბერში, 4 047.1 მლნ. აშშ დოლარი შეადგინა, რაც საგარეო სავაჭრო ბრუნვის 40.4 პროცენტია.

ამასთან, საქსტატის წინასწარი მონაცემებით, იანვარ-სექტემბერში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 69.7 პროცენტი შეადგინა. ქვეყნის უმსხვილესი სავაჭრო პარტნიორები არიან თურქეთი – 1 480.8 მლნ. აშშ დოლარით, რუსეთი – 1 145.0 მლნ. აშშ დოლარითა და ჩინეთი – 1 078.2 მლნ. აშშ დოლარით.

ქვეყნის უმსხვილესი სავაჭრო პარტნიორები ასევე არიან:

4. აზერბაიჯანი - 789.8 მლნ დოლარი;
5. აშშ - 562.2 მლნ დოლარი;
6. უკრაინა - 531.1 მლნ დოლარი;
7. სომხეთი - 498.2 მლნ დოლარი;
8. გერმანია - 389.8 მლნ დოლარი;
9. ბულგარეთი - 286 მლნ დოლარი;
10. იტალია - 219.1 მლნ დოლარი;

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system