2020 წლის აპრილში საქართველოს იმპორტი 38.5%-ით შემცირდა, რაც უკანასკნელი წლების განმავლობაში იმპორტის ყველაზე მკვეთრ ვარდნაზე მიანიშნებს.
სტატისტიკის თანახმად, საქართველომ უცხოეთიდან ჯამურად $458 მილიონი დოლარის ღირებულების პროდუქცია შეიძინა, რაც 2019 წლის ანალოგიურ პერიოდთან შედარებით $286.8 მილიონი დოლარით ნაკლებია.
ჯამურად, იანვარ-აპრილის განმავლობაში კი იმპორტმა $2.46 მილიარდი აშშ დოლარი შეადგინა, რაც 2019 წელთან შედარებით 11.8%-ით ნაკლებია.
ქვეყნის 10 უმსხვილესი საიმპორტო საქონლიდან 8-ის იმპორტი შემცირებულია.
- მსუბუქი ავტომობილები - $186.1 მილიონი აშშ დოლარი, კლება წინა წელთან 23.4%;
- ნავთობი და ნავთობპროდუქტები - $171.1 მილიონი აშშ დოლარი, კლება წინა წელთან 19%;
- სპილენძის მადნები და კონცენტრატები - $166.1 მილიონი აშშ დოლარი, კლება წინა წელთან 14.6%;
- ბუნებრივი აირი - $157.7 მილიონი აშშ დოლარი, ზრდა წინა წელთან 1%;
- სამკურნალო საშუალებები დაფასოებული - $110.6 მილიონი აშშ დოლარი, კლება წინა წელთან 8.5%;
- სატელეფონო აპარატები (სმარტფონები) - $50.6 მილიონი აშშ დოლარი, კლება წინა წელთან 1.3%;
- ელექტროენერგია - $30.6 მილიონი აშშ დოლარი, ზრდა წინა წელთან 12.9%;
- ხორბალი და მესლინი - $27.4 მილიონი აშშ დოლარი, კლება წინა წელთან 15.7%;
- რეზინის პნევმატური სალტეები და საბურავები (ახალი) - $23.4 მილიონი აშშ დოლარი, კლება წინა წელთან 14.5%;
- სატვირთო ავტომობილები - $21.9 მილიონი აშშ დოლარი, ზრდა წინა წელთან 19.7%;
- დანარჩენი საქონელი, სულ - $1.5 მილიარდი აშშ დოლარი, კლება წინა წელთან 11.3%.
ბელა გელაშვილი
ავტორი