ავიაკომპანია Ryanair-ს მეორე კვარტალში 273 მილიონი ევროს ზარალი მიადგა, რაც კორონავირუსის გამო დაწესებული რეგულაციების გახანგრძლივებას უკავშირდება.
როგორც Ryanair-ის გენერალური დირექტორი მაიკლ ო'ლირი აღნიშნავს, ზარალის ზრდა ავიაკომპანიის ხარჯების თითქმის 116%-იან ზრდას უკავშირდება, რაც ძირითადად საწვავის ფასის ზრდასა და აეროპორტების სხვადასხვა ხარჯებთან დაკავშირებულია.
ავიაკომპანიას გასულ წლის ანალოგიურ პერიოდში 185 მილიონი ევროს ოდენობის ზარალი ჰქონდა.
Ryanair გეგმავს, მიმდინარე ფინანსურ წელს 90-და 100 მილიონამდე მგზავრი გადაიყვანოს.
ავიაკომპანიის ფინანსური დირექტორი, ნილ სორაჰანი აცხადებს, რომ აგვისტო-სექტემბერში 10 მლნ-ზე ნაკლებ მგზავრს არ ელოდებიან, რაც პანდემიამდელი დონის 70%-ია.
გარდა ამისა, Ryanair Holdings ადამიანური რესურსების მოზიდვის უმსხვილეს კამპანიას იწყებს, ვინაიდან მომდევნო 3 წლის განმავლობაში კომპანია 2 000 თვითმფრინავის დამატებას გეგმავს.
