ფრანგული ავტომწარმოებელი Renault, რომელიც პანდემიიის გამო ფინანსური კრიზისის პირიპირ აღმოჩნდა, სახსრების დაზოგვის მიზნით, იძულებულია ხარჯების შემცირებაზე იზრუნოს. კომპანიამ, 3 წლის განმავლობაში 2 მილიარდი ევროს დაზოგვის მიზნით გეგმა შეიმუშავა, რომელიც წარმოების ოპტიმიზირებას და მსოფლიოში 15 000 დასაქმებული ადამიანისთვის პირობების შეცვლას ითვალისწინებს.
ამგვარად საფრანგეთში დაახლოებით 4,600 დასაქმებულს გადამზადებას შესთავაზებენ, ასევე სამსახურიდან დათხოვნის პროგრამას წაახალისებენ, ხოლო სხვა ქვეყნებში 10 ათასზე მეტი სამუშაო ადგილი შემცირდება.
ამასთან, იგეგმება ქალაქ მობეჟეში არსებული საწარმოს სხვა ქალაქში გადატანა. ფინანსური კრიზისის პირიპირ აღმოჩენილი კომპანია, სახსრების დაზოგვის მიზნით, იძულებულია საფრანგეთის ჩრდილოეთ ნაწილში არსებული საწარმოც დაკეტოს.
Renault-ის ახალმა პოლიტიკამ ბევრი ადამიანის უკმაყოფილება გამოიწვია. პროფკავშირებმა ქალაქ მობეჟეში არსებულ საწარმოსთან აქცია გამართეს, რომელსაც რამდენიმე ათასი ადამიანი ესწრებოდა.
კომპანია Renault-ს კორონავირუსის პანდემიის დროს ყველა თავისი ქარხნის დაკეტვა მოუწია. მათი ხელახლა ამუშავება მხოლოდ აპრილის ბოლოს გახდა შესაძლებელი. აპრილში, კომპანიის ახალი ავტომობილების გაყიდვები ევროპაში, 76,3%-ით შემცირდა.
კომპანია მძიმე ეკონომიკურ კრიზისს განიცდის და ეს ცხადია. საფრანგეთის პრეზიდენტ, იმანუელ მაკრონის თქმით ავტომწარმოებლის მხარდასაჭერად 8 მილიარდი ევროს გამოიყოფა.
Des milliers de personnes participent à la manifestation à Maubeuge contre le plan social chez Renault. #MCA pic.twitter.com/yBf7PEAzFo
— France Bleu Nord (@fbleunord) May 30, 2020
ვახო რევაზიშვილი
ავტორი