https://static.report.ge/storage/news/5773f3f9739085e284bd9484723c1ea9/3ecd8a4f-949b-4ff1-b177-bc4ea4789ab6_292.jpg ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერით პირველად საქართველო Bocuse d’Or ევროპის გასტრონომიულ ჩემპიონატზე
წარსდგა. შეფ-მზარეულების შეჯიბრი ესტონეთის დედაქალაქ ტალინში მიმდინარეობს და 20 ქვეყნის წარმომადგენელი მონაწილეობს. შეფ-მზარაეულები 2 დღის განმავლობაში, ერთმანეთს ეჯიბრებიან. გამარჯვებულს 3 ნოემბერს ჟიური გამოავლენს.საქართველოს გუნდის სახელით, ჩემპიონატზე ქვეყანას წარმოადგენენ: პირველი Bocuse d’Or საქართველოს გამარჯვებული ერიკ სარქისიანი, Bocuse d’Or საქართველოსა პრეზიდენტი ლევან კობიაშვილი, გუნდის მწვრთნელი ირაკლი თოდაძე და დამხმარე მზარეული - ლუკა ხინკალაძე.ტურიზმის ეროვნული ადმინისტრაციის განმარტებით, ჩემპიონატში მონაწილეობა საქართველოს საშუალებას აძლევს უნიკალური ნიშა დაიკავოს მსოფლიო გასტრონომიულ რუკაზე. მათივე შეფასებით, საერთაშორისო გასტრონომიულ ღონისძიებაზე წარდგენა ხელს უწყობს ქართული კერძების ცნობადობის გაზრდას მთელ მსოფლიოში, გასტრო-ტურიზმის პოპულარიზაციას საქართველოში და მომავალში მეტი ტურისტის მოზიდვას.
ბელა გელაშვილი
ავტორი