საქართველომ აზერბაიჯანში ექსპორტი შეამცირა, თუმცა ის მაინც საქართველოს უმსხვილეს საექსპორტო ქვეყანათა სამეულშია. მიმდინარე წლის იანვარ-მარტში აზერბაიჯანში ექსპორტირდა 75. 6 მლნ. დოლარის პროდუქცია, აქედან 18,9 მილიონი დოლარის ღირებულების ქართული წარმოების პროდუქტები იყო.
აზერბაიჯანში ექსპორტზე გადის საქართველოში მოპოვებული სპილენძის მადნები და კონცენტრატები, ფეროშენადნობები, ქქართული ღვინო, ბუნებრივი, მინერალური და გაზიანი წყლები, ასევე მინერალური სასუქები.
აზერბაიჯანი საქართველოს უმსხვილესი სავაჭრო პარტნიორია. აზერბაიჯანი საქართველოს საექსპორტო ბაზრებს შორის მესამე ადგილს იჭერს, ჩინეთისა და რუსეთის შემდეგ. მიმდინარე წლის იანვარ-მარტში აზერბაიჯანში დაექსპორტა 104.6 მლნ. აშშ დოლარის პროდუქცია.
ადგილობრივ ექსპორტში კი აზერბაიჯანი საქართველოს უმსხვილეს საექსპორტო ქვეყნებს შორის მეცხრე ადგილზეა. წელს პირველ სამ თვეში აზერბაიჯანში 18.9 მლნ. დოლარის ქართული ნაწარმი გაიყიდა, რაც სამთვიანი მთლიანი ადგილობრივი ექსპორტის 3.1%-ია. 2021 წლის პირველ სამ თვეში აზერბაიჯანში ქართული ნაწარმის ექსპორტი გაზრდილია 16.4%-ით 2020 წლის იანვარ-მარტთან შედარებით.
2021 წლის იანვარ-მარტის ვაჭრობის შედეგად, აზერბაიჯანი იმპორტიორ ქვეყანათა ათეულში მეოთხე ადგილს იჭერს საქართველოში განხორციელებული 145.7 მლნ აშშ დოლარიანი იმპორტით, რაც ქვეყნის მთლიანი იმპორტის 5.9%-ია. წლიურ ჭრილში საქართველოში აზერბაიჯანული იმპორტი 11.4%-ითაა შემცირებული, თუმცა კლების მიუხედავად ეს ქვეყანა საქართველოს უმსხვილეს იმპორტიორ ქვეყანათა ხუთეულში რჩება. 2021 წლის იანვარ-მარტში საქართველომ აზერბაიჯანში გაიტანა 104. 5 მლნ დოლარის ექსპორტი, შესაბამისად, საქართველოს უარყოფითი სავაჭრო სალდო აზერბაიჯანთან 41. 2 მლნ დოლარია.
აზერბაიჯანი საქართველოს უმსხვილეს სავაჭრო პარტნიორ ქვეყანათა შორის მეოთხე ადგილზეა. ორ ქვეყანას შორის 2021 წლის იანვარ-მარტში სავაჭრო ბრუნვა 250. 3 მლნ. დოლარს გაუტოლდა, რაც საქართველოს საგარეო ვაჭრობის მთლიანი ბრუნვის 9%-ია.
ბელა გელაშვილი
ავტორი