ელექტროენერგიის იმპორტი 2020 წლის პირველ ნახევარში წლიურად 26.5%- ითაა გაზრდილი, მოხმარების კლების მიუხედავად.
2020 წლის პირველ ნახევარში ელექტროენერგიის იმპორტი განხორციელდა რუსეთიდან (ჯამური იმპორტის 47.1%) და აზერბაიჯანიდან (52.9%).
ამის შესახებ აღნიშნულია GALT&TAGGART-ის ელექტროენერგიის ბაზრის მიმოხილვაში.
აქვე აღნიშნულია, რომ იმპორტის 94.6% პირველ კვარტალში განხორციელდა, როდესაც კორონავირუსის ზეგავლენა მცირედი იყო. შესაბამისად, 2020 წლის პირველი ნახევრის მონაცემებზე გავლენა იქონია პირველი კვარტლის 39.6%-იანმა ზრდამ.
დოკუმენტის მიხედვით, პირველ კვარტალში ჯამური იმპორტის დაახლოებით მესამედი, ხოლო რუსეთიდან იმპორტის 70% მოხმარდა აფხაზეთის რეგიონის ელექტრომომარაგებას, რადგან ენგურის ენერგია არ იყო საკმარისი რეგიონის გაზრდილი მოხმარების დასაკმაყოფილებლად.
ბელა გელაშვილი
ავტორი