,საქართველოს საპილოტე რეგიონების ინტეგრირებული განვითარების პროგრამა“, რომელიც მხოლოდ კახეთის, იმერეთის, გურიის, რაჭა-ლეჩხუმისა და ქვემო სვანეთის რეგიონებზე ვრცელდება, მომავალ წელსაც გაგრძელდება და ევროკავშირის და სახელმწიფო ბიუჯეტის მიერ 30 მილიონი ლარით დაფინანსდება.
ამის შესახებ report.ge-ს რეგიონული განვითარებისა და ინფრასტრუქტურის სამინისტროდან აცნობეს.
მათი განმარტებით თანხა ხუთ რეგიონში, კახეთში, იმერეთში, გურიაში, რაჭა-ლეჩხუმსა და ქვემო სვანეთში, საზოგადოებრივი და ტურისტული ინფრასტრუქტურის, ადამიანური კაპიტალისა და საჯარო სერვისების მიწოდების ხარისხის განვითარებას მოხმარდება.
ცნობისთვის, ინფრასტრუქტურის სამინისტროს 2021 წლის ბიუჯეტი 30%-ით იზრდება. მომავალ წელს ეს უწყება ჯამში 2,371,630,000 ლარს დახარჯავს.
ბელა გელაშვილი
ავტორი