თავში

საქართველოს ვაქცინაციის ბიუჯეტი 170 მილიონ ლარს უტოლდება

საქართველოს ვაქცინაციის ბიუჯეტი 170 მილიონ ლარს უტოლდება

დაავადებათა კონტროლის ეროვნული ცენტრის ხელმძღვანელი, ამირან გამყრელიძე, ამბობს, რომ კორონავირუსის საწინააღმდეგო ვაქცინით უნდა აიცრას მოსახლეობის 60%. მისივე განმარტებით, ვაქცინაციის ბიუჯეტი დაახლოებით 65 მილიონიდან 170 მილიონ ლარამდე მერყეობს.

„ჩვენი გეგმა გათვლილია ისე, რომ უნდა აიცრას 18 წელს ზემოთ მოსახლეობის 60%. იმისთვის, რომ ე.წ. ჯოგური იმუნიტეტი შეიქმნას და ნორმალურ ცხოვრებას დავუბრუნდეთ, სწორედ მოსახლეობის 60% უნდა აიცრას“, - განმარტა ამირან გამყრელძემ და დასძინა, რომ  საქართველოში შემოვა ვაქცინა, რომელიც იქნება დადასტურებული მარეგურებლების მიერ და განთავსდება კოვაქს-პლატფორმაზე.

საქართველოს კოვაქს-პლატფორმაზე ვაქცინის ღირებულების 25% უკვე გადახდილი აქვს.

„გადახდილი გაქვს ვაქცინაციისთვის საჭირო ვაქცინების ღირებულების 25%, ეს არის 4 მლნ დოლარი და ჩვენ ვაქცინას ვიღებთ კოვაქსის პლატფორმიდან. გვაქვს ოფიციალური მიმოწერა და ექსპერტების მხრიდან გაჟღერებული ინფორმაცია არ შეესაბამება სინამდვილეს“, - განაცხადა ტიკარაძემ.

ჯანდაცვის ექსპერტების ნაწილის ინფორმაციით, საქართველოს კორონავირუსის საწინააღმდეგო ვაქცინას აშშ ჩუქნის და საქართველოს მთავრობა ცრუობს, როცა ამბობს, რომ თანხას იხდის.

ჯანდაცვის სამინისტროს ცნობით, საქართველოში პირველი ვაქცინის - Pfizer-ის შემოტანა Covax პლატფორმასთან დადებული ხელშეკრულების საფუძველზე მოხდება. ამასთან, როგორც გაბუნია ამბობს, დღეისთვის საქართველოს 700 000 მოქალაქისთვის ვაქცინის 1.4 მლნ დოზა აქვს შეძენილი, რომელიც ქვეყანაში ეტაპობრივად შემოვა.

ქვეყანა Pfizer-ის ვაქცინის მისაღებად მზაობას ოფიციალური განაცხადით 18 იანვარს დააფიქსირებს. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system