მთავრობა რთველს 2021 წელსაც დაასუბსიდირებს. გარემოს დაცვისა და სოფლის მეურნეობის მინისტრი, ლევან დავითაშვილი დეტალებზე არ საუბრობს, თუმცა აცხადებს, რომ სახელმწიფოს ღვინის სექტორში ინტერვენცია წელსაც მოუწევს.
"სუბსიდირება იქნება, გათვალისწინებულია მათ შორის ღვინის ნაწილი. უკვე 2022 წელს დარწმუნებული ვართ, რომ აბსოლუტურად მაღალი სტანდარტების რთველი ჩატარდება, სადაც როგორც ხარისხობრივად, ისე რაოდენობრივად და მიკვლევადობა გაკონტროლდება. ეს შეამცირებს წნეხს სახელმწიფოზე",- განაცხადა დავითაშვილმა.
ცნობისთვის, მთავრობამ რთველი გასულ წელსაც დაასუბსიდირა, რაზეც 104 მილიონი ლარი დაიხარჯდა.
