შენი ოფისი ტექნოპარკში! -ასე ჰქვია კონკურსს, რომელიც საქართველოს ინოვაციების და ტექნოლოგიების სააგენტომ სტარტაპებისთვის გამოაცხადა და რომლითაც ის ტექნოპარკში უფასო სამუშაო სივრცეს სტარტაპებს სთავაზობს.
როგორც report.ge-ს GITA-დან აცნობეს, კონკურსი ინოვაციური და ტექნოლოგიური სტარტაპების ხელშეწყობის მიზნით გამოცხადდა.
სტარტაპების შერჩევა მოხდება გასაუბრების საფუძველზე და 6 თვის განმავლობაში უსასყიდლოდ მიიღებენ იზოლირებულ სივრცეს, ისარგებლებენ მრავალი დამატებითი სერვისით და უახლესი მაღალტექნოლოგიური მოწყობილობებით.
განაცხადების მიღების ბოლო ვადა 2020 წლის 27 იანვარია.
დეტალური ინფორმაციის მისაღებად და აპლიკაციის შესავსებად ეწვიეთ ბმულს: https://goo.gl/VXYnBY
ბელა გელაშვილი
ავტორი