თავში

საწვავის 3 ლარამდე გაძვირებას ელიან

საწვავის 3 ლარამდე გაძვირებას ელიან
საწვავის 3 ლარამდე გაძვირებას ელიან

"ნავთობის ფასის მზარდი დინამიკისა და ლარის გაუფასურების საფუძველზე შეგვიძლია სამწუხაროდ დავასკვნათ, რომ 2021 წელს საწვავის ფასი 1 ლიტრზე 3 ლარიან ნიშნულს მიუახლოვდება," - ამის შესახებ სატრანსპიორტო საკითხების ექსპერტი, ორგანიზაცია "ჰაბ ჯორჰჯიას" ყოფილი პრეზიდენტი, ვასო ურუშაძე აცხადებს.

2021 წლის 15 მარტის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი შემცირდა. კერძოდ, ლონდონში Inter Continental Exchange Futures Europe-ზე (ICE Futures Europe)-Brent ტიპის ნავთობის ფასმა შეადგინა 68.88 (- 0,34) დოლარი/ბარელზე. ნიუ-იორკში York Mercantile Exchange-ზე (NYMEX) - Light Sweet ტიპის ნავთობის ფასმა შეადგინა 65,39 (- 0,22) დოლარი/ბარელზე.

კომპანია „ვისოლის“ გენერალურმა დირექტორი ვასილ ხორავა ამბობს, რომ ბოლო სამ თვეში, საწვავის ფასები ხუთთეთრიანი ნიშნულით, დაახლოებით 6-ჯერ დაკორექტირდა. 

"წლის დასაწყისიდან დღემდე, ჩვენს ქსელში საწვავის ფასი გაზრდილია 30 თეთრით. ერთი ტონა საწვავის ფასი $450 -დან კი $200-ით $650-მდე გაიზარდა“, - აღნიშნავს ხორავამ და საწვავის გაძვირების გაგრძელებას აანონსებს. 

„გვაქვს ნაშთები და ჩვენს ქსელში ფასი მყისიერად არ იზრდება. ფასი იცვლება ორ კვირაში ერთხელ 3-5-თეთრიანი ნიშნულით, რომ ეს არ იყოს ძალიან შემაწუხებელი. თუმცა თუ ავიღებთ სამი თვის სურათს, 30 თეთრი საკმაოდ დიდი ნიშნულია“, - განმარტავს ხორავა.

16 მარტის მონაცემებით, ბრენდულ ავტოგასამართ სადგურებზე, ერთი ლიტრი ევრო/რეგულარის ფასი 2.49 ლარია, სუპერის - 2.81 ლარი.

წელს ნავთობის ფასის 80 დოლარამდე ზრდას პროგნოზირებენ. ამჟამინდელი ტრენდით თუ ვიმსჯელებთ, ფასები ფაქტობრივად ეპიდემიამდენ ნიშნულს უბრუნდება.

საქართველოში საწვავი 2 დღეში 5 თეთრით გაძვირდა, რასაც საგანგაშოს უწოდებენ სატრანსპორტო კვლევის ცენტრში და დასძენენ, რომ ბიზნესს საწვავზე გაზრდილი ხარჯი მოგებას უმცირებს. ცენტრის პრეზიდენტი პაატა ცაგარეიშვილი report.ge-სთან ამბობს, რომ 14 მარტის ბოლოს საწვავი საქართველოში 2,56 ლარი ღირდა, ხოლო 15 მარტს დილით უკვე მისი ფასი 2.61 ლარამდე გაიზარდა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system