ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ ინფორმაციით, იანვარში მგზავრთნაკადის ზრდა დაფიქსირდა ქვეყნის ყველა საერთაშორისო და ადგილობრივ აეროპორტებში, გარდა თბილისის აეროპორტისა.
2020 წლის იანვარში თბილისისს აეროპორტში მგზავრთნაკადის 16%-იანმა კლებამ ქვეყნის მთლიანი მგზავრთნაკადი 3%-ით შეამცირა.
რაც შეეხება, ადგილობრივ აეროპორტებს, მესტიის თამარ მეფის სახელობის აეროპორტში 2020 წლის იანვარში მგზავრთნაკადი 60% გაიზარდა და 641 მგზავრი შეადგინა. (2019 წლის იანვარი 401 მგზავრი).
ამბროლაურის აეროპორტით, რომელიც იანვარში 3 წლის გახდა, გასულ თვეს 88 ადამიანმა ისარგებლა და მგზავრთნაკადი წინა წლის ანალოგიურ პერიოდთან შედარებით -18 % შემცირდა (2019 წლის იანვარი 107 მგზავრი). ამის მიზეზი რეისების კლება იყო. უამინდობის გამო იანვარში ნატახტარი-ამბროლაური-ნატახტარის მიმართულებით მხოლოდ 7 რეისი შესრულდა, რაც -22 % ნაკლებია, შარშანდელთან შედარებით. (2019 წლის იანვარი 9 რეისი).
ადგილობრივ აეროპორტებში, მგზავრთნაკადის კუთხით 2020 წლის იანვარში ჯამურად ზრდა დაფიქსირდა. მესტიისა და ამბროლაურის აეროპორტები იანვარში ჯამში 729 მგზავრს მოემსახურა, რაც 44 % მეტია შარშანდელ ანალოგიურ პერიოდთან შედარებით. (2019 წლის იანვარი 508 მგზავრი).
ბელა გელაშვილი
ავტორი