სტომატოლოგიურმა კლინიკებმა მუშაობა, შესაძლოა, დაგეგმილზე ადრე, 22 მაისამდეც განაახლონ.
სამედიცინო და ფარმაცევტული საქმიანობის რეგულირების სააგენტოში უკვე შესულია 70 განაცხადი და სპეციალისტები კლინიკებს საქართველოს მასშტაბით ეტაპობრივად შეამოწმებენ.
არსებული ნორმების დაცვის შემთხვევაში, არაა გამორიცხული სტომატოლოგიურმა კლინიკებმა მუშაობა მიმდინარე კვირაშიც განაახლონ.
შეგახსენებთ, სტომატოლოგიური კლინიკების მონიტორინგი დღეიდან დაიწყო.
ცნობისთვის, სტომატოლოგიური მომსახურების საფასური, შესაძლოა, გაიზარდოს. ასოციაციის განმარტებით,მოთხოვნების დასაკმაყოფილებლად სტომატოლოგებს ხარჯი გაეზრდებათ და მის ასანაზღაურებლად ბიზნესოპერატორები იძულებული გახდებიან მომსახურება გააძვირონ.
რა მოთხოვნების დაცვა მოუწევთ სტომატოლოგებს, იხილეთ აქ.
ბელა გელაშვილი
ავტორი