კვლავ მაღალია სურსათის ინფლაცია. ივლისში ამ მაჩვენებელმა 11.4% შეადგინა. სურსათის ფასები სეზონურობის, მოსავლიანობის და სხვადასხვა ფაქტორის ზეგავლენით, მაღალი მერყეობით ხასიათდება, რაც, მთლიან სამომხმარებლო კალათაში სურსათის დიდი წონის (28%) გამო, მნიშვნელოვნად მოქმედებს ინფლაციის მაჩვენებელზე.
ამის შესახებ აღნიშნულია საქართველოს ეროვნული ბანკის (სებ-ი) აგვისტოს მონეტარული პოლიტიკის ანგარიშში.
დოკუმენტის მიხედვით, ივლისის 5.7%-იანი ინფლაციიდან სურსათზე 3.0 პპ მოდიოდა, საიდანაც მხოლოდ ყველზე, ვაშლსა და ხორცზე - 1.1 პპ.
ივლისში იმპორტირებული, ადგილობრივი, და შერეული საქონლის ინფლაციამ შესაბამისად 2.4%, 6.2% და 7.0% შეადგინა.
სებ-ის განმარტებით, იმპორტირებული საქონლის შედარებით დაბალი ინფლაცია, საწვავზე ფასების შემცირებით აიხსნება. საწვავის გამორიცხვით იმპორტირებული საქონლის ინფლაცია 9.0%-ს შეადგენს.
ბელა გელაშვილი
ავტორი