ტაქსების რეგულირების წესში ცვლილება შევიდა. გადაწყვეტილება დედაქალაქის საკრებულომ მიიღო. ცვლილების მიხედვით, ტაქსის ნებართვაში მითითებული სატრანსპორტო საშუალების ძარის ყველა ელემენტი, ბამპერის ჩათვლით, თეთრი ფერის უნდა იყოს.
ამასთან, მომსახურების გაწევისას სატრანსპორტო საშუალება ვიზუალური შემოწმებით უნდა აკმაყოფილებდეს პერიოდული ტექნიკური ინსპექტირებისთვის დადგენილ მოთხოვნებს.
ცვლილების თანახმად, სამართალდარღვევის გამოვლენის მიზნით უფლებამოსილ პირს აქვს უფლება ნებისმიერ დროს, ნებისმიერი სახით და ფორმით განახორციელოს შემოწმება. უფლებამოსილი პირი ვალდებულია შემოწმებისას იქონიოს და საჭიროებისას წარადგინოს სამსახურებრივი მოწმობა.
ბელა გელაშვილი
ავტორი