ივნისში ტრანს-ანატოლიური გაზსადენის (TANAP) მეშვეობით, თურქეთში აზერბაიჯანული გაზის მიწოდების დაწყებიდან (30 ივნისი) ორი წლის შემდეგ, გატანილი გაზის მოცულობა 6 მილიარდ კუბურ მეტრს მიაღწევს. ამის შესახებ Anadolu– სთან ინტერვიუში TANAP– ის კონსორციუმის გენერალურმა დირექტორმა სალტუკ დუზიოლმა განაცხადა.
მისი თქმით, თურქეთში გაზის მიწოდება ეტაპობრივად იზრდებოდა და პირველ წელს ჯამურმა მოცულობამ 2 მილიარდი კუბური მეტრი შეადგენა.
TANAP– ის წარმომადგენელმა ასევე განაცხადა, რომ მილსადენ TAP-ის შესამოწმებლად 21,4 მილიონი კუბური მეტრი გაზის გატანა მოხდა: ”უახლოეს თვეებში, ჩვენ შეგვიძლია გავზარდოთ ეს მოცულობა მოთხოვნიდან გამომდინარე,” - თქვა მან.
მან ასევე აღნიშნა, რომ კომერციული ოპერაციების დაწყების შემდეგ შეფერხებები არ დაფიქსირებულა: ”მიწოდების მოცულობა და გაზის ტრანსპორტირებისთვის ტარიფები
15-წლიანი სატრანზიტო ხელშეკრულების ფარგლებში განისაზღვრა. ამიტომ, მსოფლიოში არსებული ეკონომიკური კრიზისი რაიმე შეფერხებას ჩვენს საქმიანობაში არ იწვევს.”
შეგახსენებთ რომ TANAP-ის მილსადენი ითვალისწინებს გაზის ტრანსპორტირებას „შაჰ-დენიზის“ საბადოდან აზერბაიჯანის, საქართველოსა და თურქეთის გავლით. თურქეთ-საბერძნეთის საზღვარზე TANAP-ი უკავშირდება ტრანს-ადრიატიკულ მილსადენს (TAP), რომელიც გადის საბერძნეთის, ალბანეთისა და იტალიის ტერიტორიებს.
