ირანმა, ბოლო თვეების განმავლობაში, ტანკერებში შენახული ნავთობის მოცულობა გაზარდა. სანქციების მოხსნისთანავე, თეირანი გეგმავს სწრაფად გაზარდოს ნავთობის ექსპორტი.
ამჟამად, ირანის რეზერვში 78 მილიონი ბარელი ნედლი ნავთობი ინახება.
საკონსულტაციო კომპანიების FGE-ის, IHS Markit0ისა და OilX-ის შეფასებით, ირანული ნავთობის მოცულობა მცურავ საცავში 50-დან 60 მილიონ ბარელამდე მერყეობს. ამავდროულად, FGE და OilX აცხადებენ, რომ ამ მარაგების უმეტესობა კონდენსატია, რაც ჩინეთში, სამხრეთ კორეასა და არაბეთის გაერთიანებულ საემიროებში არის მოთხოვნადი.
მანამდე, Bloomberg წერდა, რომ აშშ-ს ამჟამინდელი სანქციების გაუქმების შემდეგ, ირანი ნავთობის მოპოვების სწრაფი ზრდისთვის ემზადება.