ილონ მასკის კომპანიამ, Tesla-მ წლის მესამე კვარტალში რეკორდული მოგება და შემოსავალი მიიღო. ამის შესახებ გამოცემა CNBC წერს.
სხვა ავტომწარმოებლებისგან განსხვავებით, კომპანიამ შეძლო ელექტრო მანქანების გაყიდვების გაზრდა ჩიპების დეფიციტის და გლობალური ლოგისტიკის შეფერხების ფონზე.
Tesla-ს შემოსავალი ელექტრო მანქანებიდან გაიზარდა 30.5%-ით, ხოლო მთლიანად ბიზნესიდან - 26.6%-ით.
კვარტალში კომპანიის წმინდა მოგებამ მეორედ გადააჭარბა $ 1 მილიარდს და შეადგინა $ 1.62 მილიარდი.
ენერგეტიკულმა ბიზნესმა, მათ შორის მზის პანელების წარმოებამ, Tesla-ს 806 მილიონი დოლარი მოუტანა. კომპანიამ კიდევ 894 მილიონი აშშ დოლარი მიიღო მანქანის შეკეთებისა და ტექნიკური მომსახურებისთვის, დაზღვევასა და საკუთარი ბრენდის საქონლის გაყიდვისთვის.