ელექტრომობილების მწარმოებელმა კომპანია Tesla-მ 2021 წლის მე-2 კვარტლის შედეგები გამოაქვეყნა. კომპანიის ისტორიაში პირველად, წმინდა მოგებამ 1 მილიარდ აშშ დოლარს გადააჭარბა. ამის შესახებ გამოცემა CNBC წერს.
გამოცემის ცნობით, კომპანიის წმინდა შემოსავალმა (GAAP) 1,14 მილიარდი დოლარი შეადგინა, განაწილებული მოგება თითო აქციაზე - 1,45 დოლარია.
მთლიანი შემოსავალი ელექტრომობილების გაყიდვიდან - 10,21 მილიარდ აშშ დოლარს აღწევს.
ამავე დროს, კომპანიის ბიტკოინის აქტივებმა 23 მილიონი დოლარი იზარალა.
