თურქეთი კრიპტო ფირმებს რეგულაციებს უწესებს. საქმე ისაა, რომ თურქეთმა კრიპტოვალუტის აქტივების მიმწოდებლები იმ დაწესებულებების ჩამონათვალს დაამატა, რომლებმაც ფულის გათეთრებისა და ტერორიზმის დაფინანსების რეგულაციები უნდა დაიცვან.
როგორც ქვეყნის პრეზიდენტის,რეჯეფ თაიფ ერდოღანის ბრძანებულებაშია ნათქვამი, გადაწყვეტილება დაუყოვნებლივ შევა ძალაში და ფინანსურ მაკონტროლებელს ციფრული ვალუტების ჰოლდინგების გამოკვლევას გაუადვილებს.
ცნობისთვის, კრიპტო აქტივებით გადახდა თურქეთის ცენტრალურმა ბანკმა 30 აპრილიდან აკრძალა და განაცხადა, რომ ანონიმურობის დონე ციფრული სიმბოლოების უკან აუნაზღაურებელი ზიანის რისკს ბადებს. თურქეთის მთავრობა ასევე გეგმავს შეიქმნას ცენტრალური მაკონტროლებელი ბანკი, რათა Thodex- ისა და Vebitcoin- ის ბირჟების ბოლოდროინდელი კოლაფსის შემდეგ, შემხვედრი მხარის რისკი მაქსიმალურად აიცილოს თავიდან.
აპრილის ბოლო კვირაში თურქეთის ხელისუფლებამ კრიპტოვალუტის პლატფორმა Vebitcoin-თან დაკავშირებული თაღლითობის საქმეზე ოთხი ადამიანი დააკავა. თურქეთში, ადგილობრივი ვალუტის მკვეთრი ვარდნის გამო, კრიპტოვალუტის შეძენით მაცხოვრებლების დიდი რაოდენობაა დაინტერესებული. კიდევ უფრო მანამდე კრიპტოვალუტის ბირჟა Thodex-თან დაკავშირებული გამოძიების ფარგლებში, პოლიციამ 62 ადამიანი დააკავა.
ბელა გელაშვილი
ავტორი