თურქეთის ხელისუფლებამ საჰაერო მგზავრებისთვის საკარანტინო შეზღუდვები 2022 წლის 31 მარტამდე გაახანგრძლივა. Report.ge-ს ცნობით, ამის შესახებ ინფორმაციას avianews.com ავრცელებს.
ანგარიშის თანახმად, თურქეთში შესასვლელად მოგზაურებმა უნდა წარმოადგინონ კოვიდ ტესტის უარყოფითი შედეგი, ვაქცინაციის მოწმობა ან COVID-19-ისგან გამოჯანმრთელების მტკიცებულება.
ვაქცინაციის მოწმობა ძალაშია, თუ ადამიანმა გაიარა აცრის სრული კურსი და ბოლო დოზის მიღებიდან გავიდა არანაკლებ 14 დღე.
თუ მგზავრს ვაქცინაცია ჩატარებული ჯერ არ აქვს, თურქეთში შესვლას კოვიდ ტესტის საფუძველზე შეძლებს. ქვეყანა აღიარებს PCR ტესტებს და სწრაფ ანტიგენის ტესტებს. პირველ შემთხვევაში ტესტი მოქმედებს 72 საათის განმავლობაში, მეორეში - 48 საათის განმავლობაში. ტესტი უნდა იყოს მოქმედი თურქეთში შესვლის დროს.
თურქეთი არ საჭიროებს ტესტებს და ვაქცინაციას 12 წლამდე ასაკის ბავშვებისა და მოზრდილებისთვის, რომლებიც თურქეთის აეროპორტების გავლით მესამე ქვეყნებში მიემგზავრებიან.
