თურქეთის სტატისტიკური ბიუროს მონაცემებით, ქვეყანაში ოქტომბერში სამომხმარებლო ფასები წლიური 19,89%-ით გაიზარდა. ამის შესახებ ადგილობრივი საინფორმაციო სააგენტო Anadolu წერს.
გამოცემის ცნობით, თვიურ ჭრილში, სამომხმარებლო ფასების ინდექსი ოქტომბერში 2,39%-ით გაიზარდა.
გასულ თვეში ყველაზე მაღალი წლიური ზრდა დაფიქსირდა საკვებსა და უალკოჰოლო სასმელებზე - 27,41%-ით, სასტუმროსა და კაფე-რესტორნებზე - 25,53%-ით, ხოლო ავეჯეულობასა და საყოფაცხოვრებო ტექნიკაზე - 23,03%-ით.
თურქეთის ცენტრალურმა ბანკმა 2021 წლის ინფლაციის პროგნოზი 18,4%-მდე გაზარდა.