უნგრული გამოცემის gazdasag-ის ცნობით, უნგრეთში პიტერ ნადის ოჯახმა ღვინის დაყენება ქართული ათასწლოვანი ტრადიციული მეთოდით დაიწყეს. ესაა ღვინის დაყენება ამფორის ფორმის ქოთნებში, ანუ ქვევრში.
გამოცემის ცნობით, პიტერ ნაგიმ და მისმა ოჯახმა მეღვინეობას საფუძველი ჩაუყარეს უნგრეთის სამხრეთით მდებარე ღვინის რეგიონის ბაჩ-კიშკუნის სოფელ მორიცგატში, როდესაც 1870 წელს გაშენებული მამული ააღორძინეს და დაახლოებით ათიოდე წლის წინ პირველი ვენახები გააშენეს.
ორიგინალური ქართული ქვევრი უნგრელ მეღვინე ოჯახს სათავგადასავლო მარშრუტით ჩამოუვიდა: შავი ზღვის გავლით ამერიკულ სამხედრო ტვირთთან ერთად ქ. ვარნის ნავსადგურიდან ავტომანქანით მორიცგატში გადაიტანეს.
ამჟამად ოჯახი ღვინოს მიწაში ჩაფლულ რვა ქვევრში აყენებს.
პიტერ ნადისთვის მეღვინეობა მისთვის ცხოვრების წესია. ის ცდილობს უნგრეთის დიდი დაბლობის (Great Hungarian Plain) ღვინოების წარმოებასთან ერთად ქართული მეთოდით დამზადებული ქვევრის ღვინის ფართო პოპულარიზაციას. პიტერის ცხოვრების წესი თავისმა ვაჟიშვილმა, შიმონმა აიტაცა, რომელმაც მის მსგავსად უმაღლესი განათლება ჯერ მემცენარეობაში (horticulture), ხოლო შემდეგ მევენახეობა-მეღვინეობის განხრით მიიღო. ბოლო წლებში მან სერიოზული პროფესიული გამოცდილება დააგროვა როგორც უნგრეთის, ასევე საქართველოს მეღვინეობებში, რომელსაც ახლა საკუთარ ვენახს ახმარს.
პიტერ ნადი სიამაყით აღნიშნავს, რომ მოროცგატში 150 წლის საკარმიდამო მამული აღადგინა და პირვანდელი სახე დაუბრუნა. აქ მეღვინე სამეურნეო ნაგებობების სრული რეკონსტრუქციას აოირებს ბუნებრივი ნედლეულის გამოყენებით, ქვევრებისთვის კი მზადდება დახურული მარანი. პიტერ ნადის მეურნეობა, სადაც რეგულარულად მუსიკალური და ლიტერატურული საღამოები ტარდება, ღიაა ვიზიტორებისათვის.
ღვინის ქვევრში დაყენების ქართული მეთოდი 8000 წელიწადს ითვლის. პიტერი დიდი ენთუზიაზმით საუბრობს ამ უძველეს მეთოდზე, რომელსაც იუნესკოს არამატერიალური კულტურული მემკვიდრებობის ძეგლის სტატუსი აქვს მინიჭებული.
მისი თქმით, ქვევრი ფუტკრის ცვილით დამუშავებული თიხის ჭურჭელია, რომელიც მთლიანად მიწაშია ჩაფლული, იმისათვის, რომ ფერმენტაცია მუდმივ დაბალ ტემპერატურაზე მიმდინარეობდეს.
ქვევრში ყურძნის წვენს კანთან და წიპწასთან ერთად ათავსებენ და ხის თავსახურით ხურავენ. 8-9-თვიანი ფერმენტაციის შედეგად ღვინო ტანინით, ანტიოქსიდანტებითა და ფენოლით მდიდრდება, რასაც დადებითი ფიაიოლოგიური ეფექტი აქვს. ამ მეთოდით დაყენებული ღვინის ხარისხს ხელოვნური ჩარევის მინიმალიცაზია იძლევა.
ბელა გელაშვილი
ავტორი