Xiaomi-ის აღმასრულებელმა დირექტორმა, ლეი ჯუნმა განაცხადა, რომ კომპანია ელექტრომობილების მასობრივ წარმოებას 2024 წლის პირველ ნახევარში დაიწყებს. აღნიშნული ინფორმაცია დაადასტურა Xiaomi–ის საერთაშორისო მარკეტინგის განყოფილების დირექტორმა, ზანგ ცზიუანმაც.
საინფორმაციო სააგენტო Reuters-ის ცნობით, Xiaomi-ის განვითარებისთვის საკუთარი მანქანების წარმოების დაწყება მნიშვნელოვანი წინ გადადგმული ნაბიჯია.
Xiaomi-ის აქციები 5,4%–ით გაიზარდა და ერთ აქციაზე $ 2,89-ს შეადგენს.
მიმდინარე წლის მარტში, Xiaomi–მ განაცხადა, რომ 10 წლის განმავლობაში 10 მილიარდი დოლარის ინვესტიციას ჩადებს ელექტრომობილების განყოფილებაში.