ბრიტანელმა ექსპერტებმა იმ სიმპტომების ჩამონათვალი გამოაქვეყნეს, რომლებსაც კორონავირუსისგან გამოჯანმრთელებული პაციენტები უჩივიან. რა არის პოსტ-კოვიდ სინდრომი და რა სიმპტომები იჩენს თავს ამ პერიოდში, ამის შესახებ გამოცემა Times of India წერს.
COVID-19 ხანგრძლივი პროცესია, რომელიც თავდაპირველად მსუბუქი წიმპტომებით იწყება, ხშირ შემთხვევაში კი დაავადება თანდათანობით მწვავდება. ბოლო პერიოდში, COVID-ის შემდგომი პერიოდი, ე.წ. პოსტ-კოვიდ სინდრომი სერიოზულ პრობლემად იქცა. კორონავირუსისგან გამოჯანმრთელებული პაციენტები ზოგ შემთხვევაში მაღალ სიცხეს, ძლიერი თავის ტკივილს, დაღლილობასა და მრავალ სხვა გართულებას დაავადების დამარცხების შემდეგაც უჩივიან.
პოსტ-კოვიდ სინდრომი არის დაავადება, როდესაც პაციენტი COVID-19-ის სიმპტომებს გამოჯანმრთელების შემდეგაც განიცდის. ქვემოთ ჩამოთვლილია რამდენიმე ყველაზე გავრცელებული სიმპტომი, რომელსაც პოსტ-კოვიდ სინდრომის მქონე პირები განიცდიან:
- სუნთქვის გაძნელება
- სახსრების ტკივილი
- ტკივილი მკერდის არეში
- გემოსა და ყნოსვის დაკარგვა
პოსტ-კოვიდ სინდრომი ძირითადად 50 წელს გადაცილებულ პაციენტებს აღენიშნებათ, ან იმ პირებს, რომლებმაც დაავადება გართულებებით გადაიტანეს.