აშშ-ს კვებისა და წამლების ადმინისტრაციამ, კორონავირუსის სამკურნალოდ დაამტკიცა მეთოდი, რომელიც იქამდე გამოიყენებოდა, ვიდრე ვაქცინები და ანტიბიოტიკები გაჩნდებოდა. უკვე გამოჯანმრთლებული ადამიანების სისხლის პლაზმის გამოყენებით, კორონავირუსის მკურნალობის მეთოდის გამოცდა მალე დაიწყება და მას კრიტიკულ მდგომარეობაში მყოფ პაციენტებზე გამოიყენებენ.
ოქსფორდის უნივერსიტეტის მიერ გამოშვებულ ჟურნალში, სადაც პლაზმით მკურნალობის მეთოდზეა საუბარი, ნათქვამია, რომ მას შეუძლია გარდაცვლილთა რაოდენობა შეამციროს და ამასთან უსაფრთხოცაა. ამ ტიპის თერაპის გამოყენებამ დადებითი შედეგები აჩვენა SARS-ისა და გრიპის მკურნალობისას . ჟურნალში წერია, რომ სტატისტიკურად, სიკვდილიანობის მაჩვენებელი მან საგრძნობლად შეამცირა.
კლინიკური ცდების შედეგები გვიჩვენებს რამდენად ეფექტურია ის.
