ყველამ ვიცით, რომ ზაფხულში სპორტით დაკავება უფრო მარტივია. წელიწადის ამ დროს ჩვენ გვაქვს უფრო მეტი სიძლიერე და ვართ კარგ ხასიათზე რაც, მოტივაციისთვის პირველი საწინდარია. არ გვაწუხებს დეპრესიული აზრები, უსიამოვნო ამინდი და მთელი დღის განმავლობაში სახლში დარჩენის სურვილი. რაოდენ სტერეოტიპულადაც უნდა ჟღერდეს, შემოდგომის ფოთოლცვენის დროს ადამიანებსაც, თითქოს მცენარეული მდგომარეობა და აპათია იპყრობთ. ყველაზე მთავარი მიზეზი კი, მაინც ის არის, რომ ზაფხულში ჩვენ გვაქვს მრავალფეროვნების ფუფუნება. შეგვიძლია ტყეში სარბენად გავიდეთ, გავისეირნოთ პარკში და დავკავდეთ იოგით, ვისეირნოთ ველოსიპედით და სხვა. წელიწადის დანარჩენი დროის მანძილზე კი, გვიწევს დარბაზის ოთხი კედლის ყურებითა და ტრენაჟორებზე ერთფეროვანი, მოსაწყენი ვარჯიშებით დავკმაყოფილდეთ. ჩვენ გვესმის, რომ ბევრ ადამიანს საშინლად არ მოსწონს დროის ასე გატარება, ამიტომ ალტერნატიულ გზებს გთავაზობთ:
კლდეზე ცოცვა
აუცილებელი არ არის, რომ მეორე დღეს პროფესიონალი მცოცავი გახდეთ და ელბურნის მთაზე ახვიდეთ. ცოცვის სწავლა დარბაზში, სპეციალური კედლის დახმარებითაც შეიძლება და სურვილისამებრ, ეს პროცესი თქვენს ყოველდღიურობადაც გადაიქცევა. დაზიანების შანსი ფაქტობრივად არ არსებობს, რადგან, თქვენ სპეციალური აღჭურვილობა გაქვთ, რომელიც ორმაგი დაცვის გარანტიას გვაძლევს. მეორე მიზეზი ის არის, რომ ვარჯიშის სარგებელს პირველივე დრეს იგრძნობთ, რადგან გაკვეთილის განმავლობაში მუცლის, ფეხი, მკლავისა და უკანა კუნთებია ჩართული. თუმცა მზად უნდა იყოთ იმისთვისაც, რომ მეორე დღეს ყველა კუნთი აგტკივდებათ.
ტენისი
ინტელექტუალური სპორტების ჩამონათვალში მხოლოდ ჭადრაკი არ არის, მათ სიას ტენისიც უერთდება. ამ სპორტში თქვენ სწორი სტრატეგიის აირჩევა და მოწინააღმდეგის მოქმედების გამოთვლა, მაღალ დონეზე გჭირდებათ. არა მხოლოდ სხეულის კარგ ფორმაში ყოფნა, არამედ კუნთების სიძლიერე, გამძლეობის დონის ამაღლება და კოორდინაციის გაუმჯობესებაც აუცილებელია. მიუხედავად იმისა, რომ ეს სპორტი ზაფხულის სიაშია, მით დაკავება წელიწადის სხვა დროსაც, ამინდის მიხედვით, გარე ან შენობის შიგნით მდებარე დარბაზებშიც შეგიძლიათ. თუ ფიქრობთ, რომ ტენისი მალე მოგბეზრდებათ, ძალიან ცდებით, რადგან, როგორც კი ერთ სტრატეგიას აითვისებთ, მაშინვე სხვა ახალიც გამოჩნდება.
ბოქსი
ამ სპორტით შეგიძლიათ ერთი გასროლით ორი კურდღელი მოკლათ და კარდიო და წონის დასაკლები ვარჯიშები ერთდროულად ჩაანაცვლოთ. ზოგჯერ ფსიქოთერაპევტიც კი, რადგან როცა ურტყამთ, თქვენ ნეგატიურ ემოციებს მთლიანად გაისვრით. სანამ პირდაპირ კრივზე მხვალთ, ლახტით ოცდაათი წუთის მანძილზე ვარჯიში ძალიან გამოგადგებათ. ერთი შეხედვით, ეს ამოცანა რთულად მოგეჩვენებათ, მაგრამ ეს თქვენი სხეულის ინტენსიურ სპორტთან ადაპტაციისთვის საკმაოდ მარტივი გზაა. ლახტით ვარჯიშის დროს თქვენ ფეხებს, ხოლო დარტყმის დროს ხელებს აძლიერებთ და ავარჯიშებთ. რაც მთავარია, ძალიან მალე თქვენ საკუთარ თავში ნდობას მოიპოვებთ, რაც ზოგჯერ გაწვრთნილ სხეულზე გაცილებით მნიშვნელოვანია.
ცურვა
მიუხედავად იმისა, რომ ბათერფლაისა და ზურგზე ცურვის სტილი ძალიან კარგია, მისი დაუფლება აუცილებელი არ არის. სხეულის ტონუსში მოსაყვანად, უბრალოდ აუზზე წასვლა და თქვენთვის მოსახერხებელი სტილით ცურვაც საკმარისია. წყალი ამშვიდებს და ხსნის დაღლილობას, ამიტომ ცურვით დაკავება სამუშაო დღის შემდეგაა უმჯობესი. რამდენად დაღლილადაც არ უნდა გრძნობდეთ თავს, წყალში 5 წუთის გატარების შემდეგ სხვა ადამიანი გახდებით, რომელმაც მისი სხეულის კუნთები გააძლიერა. გარდა ამისა, ცურვა ზედმეტი წონის დაკარგვას, გულ-სისხლძარღვთა სისტემის პრობლემების მოგვარებასა და უძილობის დაძლევასაც კი უწყობს ხელს.
ცეკვა
ეს ალბათ, წონის დასაკლებად და სხეულის ტონუსში მოსაყვანად ყველაზე სასიამოვნო გზაა. უამრავი ცეკვის სტილი არსებობს, ამიტომ არჩევანი ძალიან დიდი გაქვთ. საშუალოდ, ვარჯიშის დროს, საათში დაახლოებით 500 კალორიას კარგავთ. გარდა ამისა, თქვენ განავითარებთ პლასტიკურობას, თქვენს სხეულზე უკეთეს კონტროლს დაიწყებთ და ისწავლით როგორ იცეკვოთ. ამავე დროს, გაიხსენეთ რომ მოცეკვავეები საწოლში კარგი პარტნიორები არიან.
კერლინგი
თუ ამ სპორტით გადაწყვეტთ დაკავებას, წინასწარ იმისთვისაც განეწყვეთ, რომ თქვენი მეგობრები სულელურად ხუმრობას დაგიწყებენ. ეს სპორტი შეიძლება მოსაწყენ და ხანდაზმულებისთვის განკუთვნილად მოგეჩვენოთ, მაგრამ, სინამდვილეში ის ძალიან სახალისოა. აქ თქვენ არა მხოლოდ ფიზიკური ძალა (უნდა გადაიტანოთ და გააცუროთ ქვები, რომლებიც 20 კილოგრამს იწონის), ასევე აზროვნების უნარიც გჭირდებათ. ტრენინგის პროცესი ისეა შექმნილი, რომ გაკვეთილის განმავლობაში დრო კუნთების კოორდინაციის, დარტყმის ძალასა და სწორი სუნთქვის ტექნიკის გამომუშავებისთვისაც გქონდეს. რასაკვირველია, თქვენ ბოდიბილდერი ვერ იქნებით, მაგრამ გახდებით ლამაზი სიმპათიური ადამიანი.
ტრამპლინზე ხტომა
თუ კერლინგი პენსიონერებისთვის განკუთვნილ სპორტად მოგეჩვენებათ, მაშინ ტრამპლინზე ხტომას ხუთი წლის ბავშვების გასართობთა რიგებში გადაისვრით. მაგრამ ჩვენ ამ სპორტის უპირატესობებს არ ვადარებთ. ტრამპლინზე ხტომით, მხოლოდ ერთ საათში, კალორიების 68 პროცენტს დაკარგავთ. და ამასთან, ჰაერში სხვა და სხვა ტრიუკების შესრულება ბევრად უფრო საინტერესოა, ვიდრე ერთფეროვანი პერსპექტივა. ასე რომ, თქვენ ტრამპლინის დარბაზს არა მარტო ტონუსში მოყვანილი ტანით, არამედ კარგი განწყობითაც დატოვებთ.
Crossfit- ეგრედ წოდებული ჯვარედინი ვარჯიშები
თუ წინა სპორტის წყალობით თქვენ ათლეტური ხდებოდით, მაშინ crossfit- ის დახმარებით შეგიძლიათ კუნთების მასა მნიშვნელოვნად გაზარდოთ. დადასტურებულია, რომ ამ სისტემაში ჩართვით, ადამიანი ათ ძირითად ფიზიკურ უნარს აძლიერებს და ანვითარებს, მათ შორის ძალას, სისწრაფეს, გამძლეობას, სიჩქარეს და კოორდინაციას. CrossFit- ის ვარჯიში ჩვეულებრივ სამ ნაწილად იყოფა: ძალოსნობა, ტანვარჯიში და კარდიო. გასაკვირი არ არის, რომ ამდენი ფიზიკური უნარის განვითარებისთვის, კუნთების დიდი რაოდენობა უნდა გამოიყენოთ. ამიტომ, ნუ გაგიკვირდებათ, თუ ტრენინგის დროს, ახალი სირთულის დაძლევა თითქმის ყოველ ჯერზე მოგიწევთ.
კალანეტიკა
თუ ზემოთ ჩამოთვლილი სპორტის სახეობებიდან თქვენთვის, არც ერთი არ არის მისაღები, შეგიძლიათ კალანეტიკით დაკავდეთ. ვარჯიშები იოგას ხელოვნებაზეა დამყარებული, რაც ბევრ მამაკაცს ზედმეტად ქალურად ეჩვენება, თუმცა, უნდა გითხრათ, რომ ეს ასე სრულებითაც არ არის და ასანების დაუფლება ორივე სქესისთვის ერთნაირად სასარგებლოა. ყველა ვარჯიში გარკვეული კუნთის კონცენტრაციისა და გაჭიმვისთვისაა გათვლილი. მათი ერთობლიობით კი, შედეგად მეტაბოლიზმის აჩქარებას, წონის კლებასა და სხეულის სწრაფ კორექციას ვიღებთ. კალანეტიკით ერთი საათის მანძილზე ვარჯიში იგივე შედეგს მოგცემთ, რისთვისაც აერობიკის შემთხვევაში 7 საათი დაგჭირდებათ.
ანი იმედაძე
ავტორი