უგეზო მთვარეა 00:01 დან - 01:19 მდე; შესაბამისად ამ დროს წამოწყებული საქმეები დიდი ალბათობით შედეგს არ გამოიღებს, ასევე არ არის ამ დროს რეკომენდებული სამედიცინო მანიპულაციების ჩატარება.
სავსემთვარეობა. პიკი 18:49 სთ. დიდია კონფლიქტების, ავარიების ალბათობა. მოუფრთხილდით ჯანმრთელობას. არ არის სასურველი სამედიცინო მანიპულაციების ჩატარება. არ არის სასურველი ამ სავსემთვარეობაზე მინერალური ქვებისა და წყლის დამუხტვა. შეინარჩუნეთ სიმშვიდე (მშვიდი ატმოსფეროს შექმნაში დაგეხმარებათ ლავანდისა და ვარდის არომატები).
ვერძი
შესაძლოა თქვენში ბავშვურმა შურისძიების სურვილმა გაიღვიძოს და სიამოვნებით ჩაერთოთ ინტრიგებში, დაიწყოთ კომპრომატების მოგროვება და შანტაჟი მეზობლებსა თუ ყველა იმ ადამიანზე, ვისგანაც რაიმე წყენა გახსოვთ.
კურო
ნებისმიერ სიტუაციაში შეგიძლიათ იქონიოთ ახლობლების იმედი, ემოციური მღელვარება და შფოთი მოდუნების საშუალებას არ გაძლევთ, ეცადეთ დაიხარჯოთ საქმიანობაში და მეტი ყურადღება დაუთმეთ ახალგაზრდა თაობის იდეებს.
ტყუპები
შესაძლოა თავი უცხო ადამიანების გარემოცვაში ამოჰყოთ, რაც თქვენში გარკვეულ შფოთს შემოიტანს, შეინარჩუნეთ სიმშვიდე და შეეცადეთ მშვიდად მოაგვაროთ გაუგებრობები.
კირჩხიბი
ახლანდელ რეალობაში ყველაფერი, ყველანაირი სიმბოლო მნიშვნელოვანია. დეტალებსაც კი მიაქციეთ ყურადღება, რა განწყობით გაიღვიძეთ, ვის შეხვდით, რა გიპასუხეს... ირგვლივ იდუმალება და მინიშნებებია....
ლომი
შეეცადეთ მარტივად და სწრაფად მოაგვაროთ მოულოდნელად წარმოქმნილი გაუგებრობები და დიპლომატიური გზით მოახერხეთ საერთო ენის გამოძებნა. ამგვარი ქმედება აუცილებლად დაგიფასდებათ.
ქალწული
მოჭარბებული ენერგია ეცადეთ ოჯახზე ზრუნვას მოახმაროთ, მოაწესრიგეთ ეზო, შეაკეთეთ ინვენტარი, შეგიძლიათ მსუბუქი სარემონტო სამუშაოს ჩატარებაც.
სასწორი
შესაძლოა დღეს გარკვეული კავშირები და ურთიერთობები დასრულდეს, გადახედეთ განვლილ გზას, შეცვალეთ მიზნები, გადააფასეთ თქვენი ღირებულებები.
მორიელი
დღეს მეტ დროს სხვათა საქმეების მოწესრიგებას დაუთმობთ. ფასეულია თქვენი არა მხოლოდ რჩევები, არამედ მხარში დგომა ქმედებითაც.
მშვილდოსანი
უახლოეს მომავალში დიდი მნიშვნელობა აქვს თქვენს თავდაჯერებულობასა და შეუპოვრობას. საკუთარი ძალების რწმენა დაგეხმარებათ ნებისმიერი საქმის მარტივად გადაწყვეტაში.
თხის რქა
კონფერენციები, დისკუსიები, საქმიანი შეხვედრები დღეს მრავლადაა, მეტ დროს წაიღებს საქმიანი სფერო, ნუ დაგავიწყდებათ პირადი ცხოვრება და ოჯახი, რათა არ დაირღვეს თქვენი შინაგანი იდილია.
მერწყული
შესაძლოა უცხოეთიდან საინტერესო მოკავშირეები გამოგიჩნდნენ, ნებისმიერი კომუნიკაცია და მოლაპარაკება მათი ჩართულობით სასიკეთო და წარმატებული იქნება.
თევზები
მეტი ყურადღება და სიფრთხილის გამოჩენა გმართებთ ურთიერთობებში, რადგან უნებლიედ უხეშად ნათქვამმა სიტყვამ შეიძლება თქვენი მოკავშირე, პარტნიორი ან სულაც მეორე ნახევარი გაანაწყენოს.
მასალა მოამზადა ასტროლოგმა, ქეთი ოდიშელმა.
თეკო გიორგაძე
ავტორი