თავში

7 მაისის ასტროლოგიური პროგნოზი

7 მაისის ასტროლოგიური პროგნოზი
7 მაისის ასტროლოგიური პროგნოზი

მთვარე საღამოს ვერძის ზოდიაქოს ნიშანში გადადის.

უგეზო მთვარეა 11:36 დან - 15:52 მდე; ამ დროს წამოწყებული საქმეები დიდი ალბათობით შედეგს არ გამოიღებს, ასევე არ არის სასურველი სამედიცინო მანიპულაციების ჩატარება.

ვერძი

თუ გეგმების შეცვლა გადაწყვიტეთ, სჯობს ეს ეტაპობრივად და აუჩქარებლად გააკეთოთ. სასურველია თავი შეიკავოთ კარდინალური ცვლილებებისგან და მხოლოდ კორექტივების შეტანით დაკმაყოფილდეთ.

კურო

დღეს შესაძლოა რჩევისთვის ახალბედა კოლეგამ მოგმართოთ, ნუ დაიზარებთ და შეეცადეთ მოთმინებით აუხსნათ უფლება-მოვალეობები. გაუზიარეთ თქვენი გამოცდილება და ასწავლეთ პასუხისმგენლობის აღება საკუთარ ქმედებებზე.

ტყუპები

შესანიშნავი იდები და საინტერესო პროექტები ირგვლივმყოფთა არაერთგვაროვან რეაქციებს გამოიწვევს. შესაძლოა უიმედობაც დაგეუფლოთ, მაგრამ ხელს ნუ ჩაიქნევთ, მალე სხვაგვარად შეიცვლება ყველაფერი.

კირჩხიბი

სიფრთხილე გამოიჩინეთ ურთიერთობებში და დაიცავით ერთგვარი დისტანცია კოლეგებთან. შესაძლოა თქვენი ნათქვამი სწორად ვერ გაიგონ და ურთიერთდადანაშაულებამ სიტუაცია გაამწვაოს.

ლომი

ნუ აჰყვებით ეჭვებს და ნებისმიერ სიტუაციაში შეინარჩუნეთ ობიექტურობა, ხოლო თუ რაიმეს გარკვევას დააპირებთ საგულდაგულოდ მოეზადეთ სერიოზული დიალოგისთვის, გაითვალისწინეთ არა მხოლოდ სიტყვები და ინტონაცია, არამედ იმიჯიც.

ქალწული

დღეს შესაძლოა მოგიწიოთ პასუხისმგებლობის აღება არა მხოლოდ საკუთარ, არამედ გარშემომყოფთა ნამოქმედარზეც. ამიტომ დიდი ყურადღებითა და სერიოზულობით მიადევნეთ თვალი მთელ საქმიან პროცესს და დროულად იზრუნეთ ხარვეზების გამოსწორებაზე.

სასწორი

გამძაფრებული ცნობისმოყვარეობა გონებას გიფანტავთ და საფრთხეს უქმნის თქვენს საქმიანობას. ეს შესაძლოა იყოს ყურმოკრული დიალოგი თქვენს შორიახლოს ან გვერდით ოთახში საინტერესო ადამიანი უცხო იმიჯით. შეეცადეთ არ მოწყდეთ სამუშაო პროცესს.

მორიელი

აჩქარებით შესაძლოა ზიანი მიაყენოთ თქვენს გეგმებს, რომელზეც დიდ იმედს ამყარებთ. გაიაზრეთ თავიდანვე ყველა დეტალი და აუჩქარებლად დაიწყეთ მოქმედება. მხოლოდ გათვლილი და დინჯი ნაბიჯებით მიიღებთ საუკეთესო შედეგებს.

მშვილდოსანი

შესაძლოა გაჭიანურდეს პარტნიორული საკითხების მოგვარება, გართულდეს მოლაპარაკებები ან შესაძლოა დღის წესრიგში დადგეს სხვებთან თქვენი პროექტების ან დაწყებული საქმის გაერთიანება, რომელიც დიდ დროს და ძალისხმევას მოითხოვს.

თხის რქა

შესაძლოა მიიღოთ ახალი საპასუხისმგებლო დავალება, სანამ მის შესრულებას დაიწყებთ შეისწავლეთ ყოველი დეტალი, ყველა საკითხი, რაც ამ საქმეს უკავშირდება, რათა ბოლოს უსიამოვნო ფაქტის წინაშე არ აღმოჩნდეთ.

მერწყული

სჯობს ჩეულ რიტმს და დროის დინებას მიჰყვეთ. დაქვეითებული ენერგოტონუსის ფონზე მნიშვნელოვანი საქმეები შესაძლოა ხარისხიანად ვერ გააკეთოთ და სასურველი შედეგებიც ვერ მიიღოთ, დაშვებულ შეცდომებს კი იოლად ვერ გამოასწორებთ.

თევზები

ზედმეტად ნუ შეაფასებთ თქვეს შესაძლებლობებს, ყველაფერი კარგად გაიაზრეთ, ყოველი ნაბიჯი გათვალეთ, თავი შეიკავეთ სარისკო საქმეებისგან, ნუ მოაწერთ ხელს საბუთებს მათი კარგად შესწავლის გარეშე. გაუთვალისწინებელი სიტუაციების ალბათობა დიდია. 

მასალა მომზადებულია ასტროლოგ ქეთი ოდიშელის მიერ

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

ბოლო სიახლეები

ბოლო სიახლეები



orphus_system