„თბილისი – წიგნის მსოფლიო დედაქალაქის“ ფარგლებში, „არტარეისა“ და თბილისის მერიის თანამშრომლობით, 12 ივნისს აუდიო-მუსიკალური საღამო „ციფრული ტაეპი“ გაიმართება.
თბილისის მერიის ინფორმაციით, წარმოდგენა საქართველოს აუდიოფონდში დაცული ქართველი პოეტების ხმის უნიკალური ჩანაწერებისა და სპეციალურად ამ ღონისძიებისთვის შექმნილი მუსიკის ნაერთია.
აუდიო-მუსიკალური საღამო წინამძღვრიშვილის N102-ში, 19:00 საათზე დაიწყება. ღონისძიებაზე დასწრება თავისუფალი იქნება.
თბილისის მერიის ცნობით, „თბილისი – წიგნის მსოფლიო დედაქალაქი“ UNESCO-ს პროექტია, რომელიც ხორციელდება თბილისის მერიის ფინანსური მხარდაჭერით. პროექტის გენერალური სპონსორია საქართველოს ბანკი.