თავში

ბელგრადის საერთაშორისო ფესტივალზე საქართველო საპატიო სტუმრად წარსდგება

ბელგრადის საერთაშორისო ფესტივალზე საქართველო საპატიო სტუმრად წარსდგება

სერბეთის რესპუბლიკაში საქართველოს საელჩოს ოფისსა და ბელგრადის "საერთაშორისო ეთნოლოგიური ფესტივალის" ორგანიზატორებს შორის მიღწეული შეთანხმების შედეგად 2021 წელს საქართველო ფესტივალზე საპატიო სტუმრად წარსდგება. ამის შესახებ ინფორმაციას საგარეო საქმეთა სამინისტრო ავრცელებს.

,,აღნიშნულის შესახებ განცხადება სერბეთის რესპუბლიკის პირველმა ლედიმ თამარა ვუჩიჩმა გააკეთა, რომლის საპატიო პატრონაჟით ფესტივალი სერბეთის დედაქალაქში 2017 წლიდან ტარდება.

სამდღიანი ფესტივალის ფარგლებში გაიმართება ქართული ეროვნული სამოსის ჩვენება, ტრადიციული ხელნაკეთი ნივთების გამოფენა-გაყიდვა, ასევე წარმოდგენილი იქნება ქართული ფოლკლორი.

ფესტივალი მიზნად ისახავს არამატერიალური კულტურული მემკვიდრეობის დაცვის მნიშვნელობისა და შენარჩუნების შესახებ ცნობიერების ამაღლებას. ასევე, ეთნო-ხელოვნების გზით ღონისძიებაში მონაწილე ქვეყნების კულტურის პოპულარიზაციას", - აღნიშნულია ინფორმაციაში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system