Disney Plus-მა ბიონსესთან თანამშრომლობით ახალი ფილმი გადაიღო, რომელიც The Lion King-ის შთაგონებითაა შექმნილი. ამჯერად ამერიკელი მომღერალი რეჟისორის რანგში მოგვევლინა. ფილმის თრეილერიც დღეს სწორედ მან გაავრცელა.
Black is King (შავი მეფეა) - ასე ჰქვია ნამუშევარს, რომლის მსოფლიო პრემიერაც 31 ივლისს იგეგმება. ის ბიონსეს შემოქმედების ერთგვარი ვიზუალური ალბომია.
ერთწუთიანი თიზერი მომღერლის ოფიციალურ ვებ-გვერდზე beyonce.com გავრცელდა.
განცხადებაში ბიონსე წერს, რომ Black is King ფერადკანიანთა ისტორიულ გამოცდილებაზე დაყრდნობითაა შექმნილი და აფრიკულ ზეიმს წარმოადგენს.