რენესანსის მხატვრის სანდრო ბოტიჩელის ნახატი "მწუხარების კაცი“ აუქციონზე გაიყიდება.
იტალიელი მხატვრის ნახატს აუქციონზე 2022 წლის იანვარში გაიტანენ. მისი საწყისი ფასი 40 მილიონი დოლარია.
მასზე ეკლის გვირგვინით შემკობილი ქრისტეა გამოსახული. ნახატი დაახლოებით 1500 წლით თარიღდება.
ექსპერტები დიდი ხნის განმავლობაში ვარაუდობდნენ, რომ ნახატი იტალიელი მხატვრის ერთ-ერთმა სტუდენტმა დახატა. საავტორო კამათი კვლავ გრძელდება. თუმცა, ხელოვნების ექსპერტების უმეტესობა თანხმდება, რომ ნახატი თავად სანდრო ბოტიჩელიმ შეასრულა.
