ქართველი რეჟისორი დეა კულუმბეგაშვილი კანის ფესტივალის 2020 წლის სპეციალური გამოშვების ერთ-ერთი სექციის ჟიურის წევრი იქნება. ამის შესახებ საქართველოს კინოცენტრი წერს.
დეა კოლეგებთან ერთად შეაფასებს მოკლემეტრაჟიანი ფილმებისა და Cinéfondation-ის კინოსკოლის საკონკურსო სექციის ნამუშევრებს.
აღსანიშნავია, რომ კანის კინოფესტივალის 2020 წლის სპეციალური გამოშვების ნაწილი იქნება დეა კულუმბეგაშვილის სადებიუტო სრულმეტრაჟიანი ფილმი “დასაწყისი”, რომელიც უკვე არაერთი საერთაშორსო ჯილდოს მფლობელია. ფილმს კინოფესტივალის მთავარ კონკურსში აჩვენებენ.
