ლისაბონში დაგეგმილი დოკუმენტური ფილმების საერთაშორისო ფესტივალი Doclisboa საქართველოს მასშტაბურ რეტროსპექტივას მიუძღვნის. პროგრამაში წარმოდგენილი იქნება ქართული ფილმები 1920 წლიდან დღემდე. ამის შესახებ ინფორმაციას ეროვნული კინოცენტრი ავრცელებს.
აღსანიშნავია, რომ საქართველო Doclisboa-ს ინდუსტრიული პროგრამის ფოკუს ქვეყანაცაა. ასე რომ, ლისაბონში ქართული კინოინდუსტრიის წარსულს, აწმყოსა და მომავალს შეაფასებენ.
ფესტივალი 22 ოქტომბრიდან 1 ნოემბრის ჩათვლით გაიმართება.
