ცეკვა „განდაგანას“ და მის ხალხურ საწყისებს არამატერიალური კულტურული მემკვიდრეობის სტატუსი მიენიჭა. ამის შესახებ ინფორმაციას აჭარის არამატერიალური კულტურული მემკვიდრეობის სააგენტო ავრცელებს.
ცეკვა "განდაგანა" აჭარული ცეკვების ერთ-ერთი სახეობაა. იგი სატრფიალო ხასიათს ატარებს და ძირითდად აგებულია ქალთა ცეკვის "თარნანინოს", ვაჟთა ცეკვის "მხარულისა" და "საშაირო-ჯახტანანას" საფუძველზე.
"განდაგანა" პირველად სცენაზე 1946 წელს შესრულდა. იგი შეიძლება იცეკვოს როგორც წყვილმა, ასევე მოცეკვავეთა ჯგუფმა.
