ტელეკომპანია ABC-მ "გრეის ანატომია" მე-19 სეზონით გაახანგრძლივა. Report.ge-ს ცნობით, ინფორმაციას The Hollywood Reporter ავრცელებს.
შონდა რაიმსის პროექტი დღემდე ABC-ის საუკეთესო სერიალებს შორის რჩება.
2021 წლის დეკემბრის შუა რიცხვებში გაჩნდა ეჭვი, რომ სერიალს ერთ-ერთი მთავარი გმირის შემსრულებელი, ელენ პომპეო გამოაკლდებოდა. თუმცა, მსახიობმა ეჭვები უარყო და განაცხადა, რომ ახალ სეზონში მერედიტ გრეის კვლავ ვიხილავთ. ამას გარდა, ელენ პომპეო მე-19 სეზონის აღმასრულებელი პროდიუსერიც იქნება.
