ნიდერლანდების რამდენიმე უდიდეს მუზეუმში გამოცხადდა მზადყოფნა, გამოასწორონ "ისტორიული უსამართლობა" და ექსპონატები, რომლებიც ოდესღაც კოლონიებს ეკუთვნოდა, ისტორიულ სამშობლოში დააბრუნონ. აღნიშნული საკითხი წინა პლანზე ქვეყნის კულტურულმა საბჭომ წამოწია.
პროექტს, რომელიც 4 წელზეა გათვლილი, ნიდერლანდების სამეცნიერო ორგანიზაცია დააფინანსებს, რომელიც 3,5 მილიონ ევროს გრანტს გამოყოფს. კიდევ 1 მილიონს მონაწილე ორგანიზაციები დაამატებენ. კოლექციების ინვენტარიზაციისთვის მეცნიერთა სპეციალური ჯგუფი შეიქმნა, რომლებიც თავიანთი მუშაობის შედეგებს საზოგადოებრივ მონაცემთა ბაზებში განათავსებენ.
თეკო გიორგაძე
ავტორი