ჰოლივუდის მსახიობი ჯეკ ნიკოლსონი საზოგადოებაში ძალიან იშვიათად ჩნდება. სანდო წყაროების განცხადებით იგი სახლიდან თითქმის არ გადის და მას საკუთარი შვილები უვლიან. Report.ge-ს ცნობით, ამის შესახებ გამოცემა Daily Express წერს.
ნიკოლსონს ფილმებში 2010 წლის შემდეგ არ უთამაშია. როგორც სანდო წყაროები აცხადებენ, 84 წლის მსახიობს დემენცია აქვს.
ჯეკ ნიკოლსონის წარმატებული სამსახიობო, სარეჟისორო და პროდიუსერის კარიერა 50 წელზე მეტხანს ითვლის. ის ოსკარზე 12-ჯერ იყო ნომინირებული და სამი ჯილდოს მფლობელია.
