კანადელმა მსახიობმა კიანუ რივზმა, რომელმაც ფილმში The Matrix Resurrection ითამაშა, ფრენჩაიზის პირველი ნაწილიდან მიღებული ჰონორარის უმეტესი ნაწილი ქველმოქმედებას შესწირა. ამის შესახებ Daily Mail იტყობინება.
ჯერ კიდევ 1991 წელს მსახიობის უმცროს დას, კიმს ლეიკემიის დიაგნოზი დაუსვეს. რვა წლის შემდეგ, 1999 წელს, მსახიობმა პირველი "The Matrix-ის" გადაღებებიდან მიღებული შემოსავლის 70 პროცენტი დაავადების კვლევის ფონდს გადასცა. გარდა ამისა, რივზი მისი დის მეურვე გახდა. 10-წლიანი ბრძოლის შემდეგ დაავადება რემისიაში გადავიდა.
მოგვიანებით რივზმა ონკოპაციენტების დასახმარებლად საკუთარი საქველმოქმედო ფონდი დააარსა. თუმცა ორგანიზაციას საკუთარი სახელი არ დაარქვა.
